حافيظ شيرازي
ترجومه: گونتاي گنجالپ
غم يئمه!
يوسيفي بیر گون گؤرَر باغريندا کنعان غم يئمه!
حوزن ائوي ان سون، اولار تام بير گولوستان غم يئمه!
درده باتميش کؤنلوم، هئچ انديشلنمه، بيلميش اول،
بو دوزنسيزليک تاپار بير نظمي- آسان غم يئمه!
عؤمر يازي گلديگينده گول چيچکدن بير چلنگ،
باشينا هؤروموش اولارسان مورغي- خوشخوان غم يئمه!
گر بيزيم ايستک يولوندا سورمه دي چرخي- فلک،
هر زامان بير يؤنده گئتمز چرخي- دؤوران غم يئمه!
گل اومودسوز اولما، چون واقيف دئييلسن غئيبدن،
پرده آرخااسيندا واردير سيرري- پونهان غم يئمه!
کعبه عشقيله بييابانلاردا سن دوشسن يولا،
اينجيدرسه جاانيني خاري- مغيلان غم يئمه!
ائي کؤنول، سئللر سؤکرسه وارليغين ارکانيني،
رهبرين نوحدورسا، طوغيان ائتسه تووفان غم يئمه!
يار يولوندا بيز رقيبلردن نه لر چکديک، نه لر،
هپسيني ياخشيي بيلير اول حالي- گردان غم يئمه.
گرچي منزيل چوخ خطرلي، مقصد اولموش چوخ اوزاق،
بيلميش اول کيم، هر يول اييچين واردي پايان غم يئمه.
سرت قارانليقلاردا، فقر اييچينده عؤمرون کئچسه ده،
حافيظا، وئردين سنين اولموشسا قورآن غم يئمه!
2009/08/28
Hiç yorum yok:
Yorum Gönder